$Sugal$

Sinubukan ko naman na magsugal ng magsugal. Baraha maghapon hanggang sa maumagahan. Pusoy dito, pusoy doon, hanggang lumaki ang pustahan. Maging sa pagtulog ko ay baraha ang napapanaginipan...

Pero wala ring nangyari kaya nagsabong na lang. Pusta dito, pusta doon, Kristo ay takam na takam. Panalo ng matapos pero nang lumabas sa balato ay talunan. Kaya tinigilan ko na rin dahil wala namang pakinabang...

Kaya sinubukan ko na tumaya na lang sa lotto. Baka sakali na dito mababago ang buhay ko. Araw-araw tumataya, hanggang abutin ng isang linggo. Kaya heto sa awa ng diyos ay hindi pa rin nananalo...

Walang swerte puro malas. Nalustay lang ang pera sa walang-kwentang pagwawaldas. Lumaki ang utang dahil sa maling landas. Natutong manloko at natutong mandugas...

Kaya naman tinigilan ko na. Lumaban na ako sa parehas na kita. Sinaliksik ko ang lugar kung saan ako ang bida. Iniwaksi ko ang sugal at ang swerte ay niyakap na...

Sugal, sugal, ano ka nga baga? Ano ang dulot mo sa tao na ang hanap ay kwarta? Maaaring may tao na sa iyo ay sambang-samba. Pero ano ang iyong dulot, ano ang iyong halaga?...

Luck is what a capricious man believes in. -Benjamin Disraeli

To believe in luck is skepticism. -Ralph Waldo Emerson


..Y,

≈bidahan≈

Hindi kaya ng utak na mag-isip kung ang puso ay galit. Wala ng tama na magagawa kung utak ay nilalason na ng galit. Wala ka ng magagawa kundi mali at pasakit. Luha at dusa ang tanging mananaig...

Ang paghihirap ay kayang mong gamutin. Ang paghihirap ay kaya mong talunin. Ang paghihirap ay kaya mong paalisin. Ang paghihirap ay huwag mo lang iisipin...

Yon lang yon, ganon lang yon kadali. Yon lang yon, huwag kang magmadali. Yon lang yon, para ka lang nagpatuli. Yon lang yon, huwag mapikon palagi...

Saan ka pupunta eh wala namang iba. Pasasaan baga ay babalik din ka. Magpakalayo-layo ka man ay dito ka pa rin pupunta. Umikot ka lang na parang isang bola....

Ayos lang yon, sige larga. Para naman kwento mo ay maiba-iba. Para naman hitsura mo ay malimutan ng iba. Para sa pagbabalik mo ay meron kang maibida...

Ayos lang yon, sige kwento pa. Pero teka nga muna may pasalubong ka ba? Baka haka-haka yan puro pambobola. Pero ayos na rin basta puro masaya...

O ikaw naman may istorya ka ba? Katatahimik mo meron ka bang problema? Huwag mo ng sabihin hindi mo sila kilala. Baka ang kalabasan ay maging katawa-tawa...

Pero kung dama mo ay sige ilahad mo na. Basta lang ba huwag kang mapipika. Baka kapag napikon ka ay maghuramentado ka. Aba'y huwag naman at sayang lang ang pwersa...


He that has never suffered extreme adversity knows not the full extent of his own depravation. -Charles Caleb Colton



..Y,

¤ang bilin¤

Anak, pumunta ka sa syudad at bumili ka ng prutas. Sampung-sako na ubas, sampung-sako na mansanas. Sampung-sako na mangga, sampung-sako na bayabas. Samahan mo na rin ng gulay, karne ng baboy at isang-buong baka na ma-angas...

Heto ang pera, gamitin mo yun'g "truck". Isama mo pa sila para sa tatlo pa'ng trak. Parepareho kayo ng bibilhin, parepareho kayong-apat. Humayo kayo at mag-ingat at bumalik ng karapat-dapat...

At ng bumalik itong apat ko'ng anak. Isa na lang ang may laman sa apat ko'ng "truck". Tinanong ko sila kung ano ang naganap. Ang sagot lang nila'y laganap na sa kalsada ang mga taong-mandurugas...



No great deed is done by falterers who ask for certainty. -George Eliot



..Y,

[ sarado ]

Seryoso ka na naman?, tumawa ka naman paminsan-minsan. Kulubot na yang noo mo, nakakabundat yan. Tataba ka pang bigla dahil maninigas ang tiyan. Bihira ka na ngang tumae, kung umutot ka'y amoy bulok na suman...

Ngiti naman dyan, nakasimangot ka na naman. Doble na nga yang baba mo labas pa ang litid sa lalamunan. Mura ka ng mura sa wala namang kasalanan. Inis na inis ka sa mundo na wala namang kadahilanan...

Tingnan mo yang sarili mo, hindi mo matitigan dahil ayaw mo. Dito ka palagi sa bahay kaya mainit ang ulo. Para kang isang asong ayaw lumabas ng teritoryo. Kahol ng kahol walang-sawa sa kaka-aawwooohh...

Bakit ka ganyan?, ano ba ang problema. Gusto mo yata ng albularyo na kukuryente sa yong paa. Ano ba talaga?, nakukulam ka na ba? Tingnan ko nga yang mga hinli-liit mo kung pantay silang dalawa...

Masaya ako kapag nakangiti ka. Lalo na siguro kung hahagik-gik ka. Mas lalo na siguro kung tumatawa ka na. At mas lalong-lalo na kung hahaling-hing ka pa...

Wala na yon, tanggapin mo na. Kung ano ang nasa iyo ay panindigan mo na. Kung ano ang kaharap mo ay harapin mo na. At kung ano ang meron ka ay ilabas mo na...

Let him that would move the world first move himself. -Socrates


..Y,

} iba ngayon, iba noon {

Iba ngayon, iba noon. Iba ang mga suot noong unang panahon. Iba na rin ang ugali kumpara sa ngayon. Epekto ba ito ng tinatawag nilang "evolution"...

Naniniwala ka ba na nagbabago ang lahat? Tumingin ka sa salamin kung nagbago ang iyong balat. Tingnan mo yang sapatos mo't nag-iba na ang sukat. Magsuot ka ng pantalon at matatanong mo kung tumaba ka ba o pumayat...

Pero ang mahalagang tanong ay kung may nagawa ka ba? Sa takbo nang panahon na bumibilis at pa-iba-iba. Sa pang-araw-araw mo'ng buhay naglalaba ka ba? Marunong ka ba'ng magluto o 'di kaya'y mamalantsa?...

Pero papaano kung wala sa iyo ang lahat? Gagawa ka ba ng paraan o magpapalaki na lang ng puki o bayag. Maghihintay ka na lang ba ng limos o sa bigay ng kamag-anak? Tanungin mo si Kamatayan kung saan ka nararapat...

Ey papaano naman kung nasasaiyo na ang lahat? Ano ang gagawin mo kung ang ari-arian mo'y lampas-ulap? Ano kaya ang responsibilidad na naka-atang sa 'yong balikat? Itanong mo kay Kamatayan kung saan ka nararapat...

Iba noon, iba ngayon. Ngunit paulit-ulit lang ang ikot ng panahon. Ano man ang iyong suot o hitsura ngayon. Manindigan ka na at lilipas rin ang maghapon...


God asks no man whether he will accept life. This is not the choice. You must take it. The only question is how. -Henry Ward Beecher

..Y,

<ang sanggol>

Panibagong kasaysayan, panibagong kinabukasan. Ang haharapin nitong bagong isinilang. Ano ang naghihintay sa bawat daraanan? Sino ang makiki-alam sa kanyang kapalaran?...

Una ay magulang ang gagabay sa mga unang-hakbang. Ang magtuturo at mag-aalaga mula sa mundong kinagisnan. At kung abandonado kang bata na itinapon sa basurahan. Hindi ko alam kung kapalaran yon o kagustuhan ng lumalang?...

"Bahala na sabi ng ina. Kung mabubuhay o mamamatay ka na? Sana ay may makakita sa iyo na may pagpapahalaga. At oh Diyos ko po, bahala ka na sa kanya"...

At sa kabutihang-palad ang bata ay nasumpungan. Nitong isang basurero na wala ring ka-alam-alam.
Swerte raw ang bata kung napulot sa basurahan. Dahil kapag tumanda na raw ito ay siya ang susupil sa kahirapan...

Eh ako nga rin hindi ko rin alam. Mang-mang ako sa mundo, sa mundo ng kapalaran. Swerte lang siguro ako dahil may mapagmahal akong magulang. Pero ano pa man ay hindi ko pa rin alam yang tinatawag nila na kung anong kapalaran...


..Y,



The most difficult character in comedy is that of the fool, and he must be no simpleton that plays that part. -Miguel de Cervantes


..Y,

>Kabilaan<

Gumawa ka ng mabuti sa akin at mapapabuti ka. Gumawa ka ng masama sa akin at sasamain ka. Gumawa ka ng mga bagay na sa iyo mag-gagarantiya. Gawin mo ito sa akin kung gusto mong makita ang resulta...

Sapagkat ako ay salamin, salamin ng kapalaran. Ako ang sasagot sa iyong katanungan. Ako ang katotohanan, ako ang kaganapan. Ako ang buhay ng kabutihan at kasamaan...

Sapagkat ako ay maramdamin. Tibok ng puso ang mas nananaig sa akin. Minsan ako'y parang bulkan na handang maghasik ng lagim. Minsan naman ako'y bulaklak na payapa ang habilin...

Hawa diha! Hilom diha! Sabi ng isang lalaking nasa sulok ng bangka. You know, I know., sabi namin nitong mestizong banyaga. Tataob ang bangka!, tataob ang bangka! Sabi naman nitong tagalog na mukhang maalam, harinawa...


Tumalon lang tayo at lumangoy sabi naman nitong yano na bata...

Action may not always bring happiness; but there is no happiness without action. -Benjamin Disraeli


..Y,

<Sapi>

Tumitig ka sa mga mata ko at kita'y pa-a-amuin. Bubulong ako sa iyong tainga upang ako ay mapansin. At ako ay iisipin mo, iisipin at iisipin. Hanggang sa dumating ang panahon na ikaw ay aking maging alipin...

At darating ang panahon na ako ay magiging ikaw. Lahat ng kaalaman ko'y hinding-hindi mo ibibitaw. Lahat ng nasa akin ay mapapasa-iyo ng walang-laktaw. Magiging 'sing-init ka at 'sing-bilis ng nagliliyab na bulalakaw...


There is change in all things. You yourself are subject to continual change and some decay, and this is common to the entire universe. -Marcus Aurelius

..Y,

★ Bahalina Bar ★

Meron akong naisip na sarili kong mundo, paplanuhin ko lang muna kung ano ang hitsura nito. Pagagandahin ko at aayusin ayon sa temang gusto ko. Baka gusto mong sumama kita tayo sa Bahalina Bar ng YANO...


There is no happiness except in the realization that we have accomplished something. -Henry Ford


..Y,