=Sex Education=

PATNUBAY NG MAGULANG AY KAILANGAN

Titi ang ari kung ikaw ay lalaki. Puki naman kung ikaw ay babae. Ito ang basehan ng kasarian ng iyong lahi. Alagaan mo ito at unawain palagi...

Sa ari nakasalalay ang iyong kinabukasan. Maaring mabago ang iyong kasaysayan. Gamitin mo ito sa magandang paraan. At iaalay ng buo sa tunay na pagmamahalan...

Madali lang itong sabihin. Madali rin itong isipin. Pero sa kabilang-banda ay mahirap gawin. Lalo na sa kabataan na marupok pa ang damdamin. Ano nga ba ang dapat para ito ay unawain?

Kapag inabuso ang sariling kasarian. Malapit sa disgrasya, gano'n din sa kapahamakan. Bagamat parang langit sa sarap ay sukdulan. Kapalit naman nito'y habang-buhay na pagdaramdam...

Tinamaan ng sakit sa kuto ay nagtitiis. Bumabaho, nagnananana, puson ay sumasakit. May dugo na ang ihi, naluluha, namimilipit. Nawalan ng kaibigan dahil sa taglay niyang herpes...

At kalaunan ay lumala ng lumala. Na-ospital dahil sa AIDS na tumama. Tinaningan na ang buhay, suko na rin ang himala. Kalaunan ay namatay, kaawa-awa, batang-bata...

Gusto mo ba na humantong ka sa ganito? Huwag maging biktima, nagkalat lang ang mga ito. Huwag munang pairalin ang isipang maka-mundo. Mag-isip ng ilang beses kapag libog ay tumodo...

Nasa pamilya pa rin ang tunay na pag-asa. Para moral ng tao ay tuluyang maisalba. Ang pagpapahala sa buhay ang unawain tuwina. Respeto at paggalang sa kasarian ng isa't isa...





I like sex, it's nice. -Borat




:-*

< Bisikleta >

Itong bisekleta ko'y pagka-tibay-tibay. Wala itong kapareho, gawa ito ni tatay. Gamit ko sa pagpasok, wala itong sablay. Inggit sila sa akin sa bisikleta kong mahusay...

Palagi ko rin itong kasama saan man ako mapunta. Dinadala ako nito sa lugar na masasaya. Sa burol, sa sapa, para akong maharlika. Damang-dama ko ang ligaya na dulot nitong aking bisikleta...

Sarap na sarap ako habang kami'y umu-usad. Tuloy-tuloy walang hawak wari ko'y lumilipad. At 'pag kami'y pauwi na'y akay-akay ko siya pa-akyat. Hindi ako napapagod kapag siya ay aking hawak..

Kung maaari lang sana'y ayaw ko siyang ipahiram. Nasasaktan ako kapag nakita ko s'yang sinasakyan. Para akong nadudurog puso ko ay nagdaramdam. Kapag ibinangga nitong ka-iskwela kong walang alam...

Kaya naman madalas, palagi siyang nasisira. Ngunit ganon pa man, naa-ayos ko pa rin ito ng may kusa. Kaya sa araw-araw na ginawa ng Lumikha. Iba't iba ang nagiging kulay nitong bisikleta kong ubod ng gara...


:-)