▲Matanda na ang edad, malakas pa rin kung maglakad. Milya-milya man ang layo. Ito'y kanyang natatahak. Wari'ng walang kapaguran. Kahit saan pa mapadpad...
Magaling din sya'ng gabay, tungo sa tuktok ng bundok. Malakas pang mag-buhat, matatag pa ang tuhod. Wala mang tsinelas, paa'y 'di napupud-pod. Mabato man o putikan, bale wala, tuloy ang lusob...
Bata pa lang daw ay ganito na siya. Kaya itong bundok ay kabisadong-kabisado n'ya., talampas o burol, o ang pinakamalalim na kweba pa. "Ito ang aking laruan." , sambit n'ya, sabay hinga...
Malaki na raw ang pinag-iba ng gubat. Bihira na ang ibon at hayop, na dati ay nagkalat. Ngayo'y kahit na pipit, bihira ng lumalabas. Pati mga punong matayog, matatag at mataas. Nagupo! Nabuhal! Bumagsak!...
Sabi n'ya'y marahil ganon talaga. "Malapit na ako, para magpahinga. Tulad nito'ng bundok, nababawasan ng ganda. Tulad ko rin, kakisigan ay lipas na."
▲▲△△◎△△▲▲
China Service Mall
.
.
China Service Mall
Walang komento:
Mag-post ng isang Komento