TULOY PO KAYO

Maligayang bati sa iyong pagbisita. Harinawari ay masiyahan ka sa mga salitang iyong mababasa at litratong iyong makikita. Ngunit maaari rin na malungkot ka at magdalamhati, magalit o matawa, mainis o masuka, o gumulong sa katatawa. Natural lang yon, tao lang, tuloy ang basa.

Paunang Salita

Ang bawat letra, salita, pangalan, lugar at sari-saring pa-ek-ek na kabaduyan at matitinong kahulugan ay kathang-isip lamang at hindi ito ginawa para maka-sakit ng tao. Wala ding nasaktan na mga hayop at insekto habang ginagawa ang "blog" na ito. Pakisuyo lang po..."Mag-alis ng muta, bago bumangon. At huwag mahiga buong maghapon."

Pero, paminsan-minsan ay may mga "blog" din na hinango sa totoong buhay, totoong kapighatian, totoong kaligayahan, totoong kabiguan at totoong tagumpay. Paunawa lang po..."Bawal mangulangot sa jeep."

Biyernes, Abril 22, 2011

Sa Iyong Paglisan



Paalam kaibigan, hinding-hindi kita malilimutan. Kahit mga palad natin ay 'di na nagka-daupan, dalhin mo ang pag-ibig sa iyong paglisan...

Salamat sa iyo butihing kaibigan, nasa puso ko ang iyong kagalingan. Mga payo mo sa akin ay nasa aking isipan, magpakailan man ay 'di ko kakalimutan...

Bagamat ako, sa iyo ay naninimdim. Nalulungkot ako, kung aking iisipin. Mga kuwentuhan natin na tayo lang ang nakapapansin. Mga adhikain mo na sa akin ay isinasalin...

At ngayon ikaw ay wala na sa piling, ala-ala mo ay laging magnining-ning. Araw-araw ay paulit-ulit kong itatanim, mga pagmamahal mo sa iba ay ibibilin. Ibabahagi ang kaalaman at buong,pusong ipararating...

Alam kong maligaya ka kung saan ka man naroroon. Alam kong kapiling mo ang Ginoong mapag-ampon. Alam kong kahiwagaan mo'y kabutihan ang ina-ayon. Alam kong babalik ka sa itinakdang panahon...

Hanggang sa muli aking kaibigan. Hanggang sa dulo nitong walang hangganan. Hanggang sa pagpapatuloy nitong ikot ng kalawakan. Hanggang sa panahon ng walang sawang-kaligayahan...


Thanks Obet for choosing Eden... Rene kunan mo kaming dalawa ni Obet ng picture. -Jesus V. Ayala



..Y,



1 komento:

  1. RafLinggo, 01 Mayo, 2011

    "Kung ang lahat ay may katapusan
    Itong paglalakbay ay makakarating din sa paroroonan
    At sa iyong paglisan
    Ang tanging pabaon ko
    Ay pag-ibig."

    Color It Red, "Paglisan"

    TumugonBurahin

Mag-subscribe sa: I-post ang Mga Komento (Atom)