TULOY PO KAYO

Maligayang bati sa iyong pagbisita. Harinawari ay masiyahan ka sa mga salitang iyong mababasa at litratong iyong makikita. Ngunit maaari rin na malungkot ka at magdalamhati, magalit o matawa, mainis o masuka, o gumulong sa katatawa. Natural lang yon, tao lang, tuloy ang basa.

Paunang Salita

Ang bawat letra, salita, pangalan, lugar at sari-saring pa-ek-ek na kabaduyan at matitinong kahulugan ay kathang-isip lamang at hindi ito ginawa para maka-sakit ng tao. Wala ding nasaktan na mga hayop at insekto habang ginagawa ang "blog" na ito. Pakisuyo lang po..."Mag-alis ng muta, bago bumangon. At huwag mahiga buong maghapon."

Pero, paminsan-minsan ay may mga "blog" din na hinango sa totoong buhay, totoong kapighatian, totoong kaligayahan, totoong kabiguan at totoong tagumpay. Paunawa lang po..."Bawal mangulangot sa jeep."

Miyerkules, Mayo 5, 2010

Ibong-sayaw




Lipad na! ibong mananayaw. Lasapin mo ang ligaya, lasapin mo ang layaw. Sinusubaybayan kita ng halos araw-araw. Ito na ang panahon na tawagin kang sayaw-sayaw...

Lipad! Lipad! Sa hangin ay umindak. Nilikha ka para igalaw mo ang dalawa mong pakpak. Paikut-ikot na ang nanay mo inaantay una mong lipad. Huwag kang mangangamba kung ikaw man ay bumagsak...

Balang-araw, balang-bukas. Ikaw na ang gagawa ng sarili mong pugad. Hahanap ng kapareha sa pagsasayaw ng walang kasing wagas. At muling isasalin ang espiritu ng paglipad...


Lipad!, sayaw!, inaalok ka na ng hangin. Tingnan mo ang paligid sa talas ng iyong paningin. Ano ang hitsura ng buhay kapag nasa itaas ang tingin? At harinawa'y makabalik ka ng maayos na masaya at buo pa rin...



"Fake it, fake it, until you make it." -Dr from India


^

Walang komento:

Mag-post ng isang Komento