TULOY PO KAYO

Maligayang bati sa iyong pagbisita. Harinawari ay masiyahan ka sa mga salitang iyong mababasa at litratong iyong makikita. Ngunit maaari rin na malungkot ka at magdalamhati, magalit o matawa, mainis o masuka, o gumulong sa katatawa. Natural lang yon, tao lang, tuloy ang basa.

Paunang Salita

Ang bawat letra, salita, pangalan, lugar at sari-saring pa-ek-ek na kabaduyan at matitinong kahulugan ay kathang-isip lamang at hindi ito ginawa para maka-sakit ng tao. Wala ding nasaktan na mga hayop at insekto habang ginagawa ang "blog" na ito. Pakisuyo lang po..."Mag-alis ng muta, bago bumangon. At huwag mahiga buong maghapon."

Pero, paminsan-minsan ay may mga "blog" din na hinango sa totoong buhay, totoong kapighatian, totoong kaligayahan, totoong kabiguan at totoong tagumpay. Paunawa lang po..."Bawal mangulangot sa jeep."

Biyernes, Pebrero 12, 2010

Iba noon. Iba ngayon




Iba daw ang utak at ugali ng isang "artist". Tulad ni Modigliani, Leonardo at Vincent. Bugnutin, estrikto, ayaw ng nakikinig. May sariling mundo ayaw ng nadadaig...

Kung naniniwala ka dito?, ay nabubuhay ka sa kahapon. Dahil ibang-iba na nga, ang mga "artists" kumpara sa ngayon. Mas kapaki-pakinabang. Mas marami ang naitutulong. Mas malawak ang isip, mas malawak ang imahinasyon...

Ibang-iba na si Vincent van Gogh ngayon. Ibang-iba na rin si Luna, Frida, Carravagio at Jackson. Ibang-iba na nga sila nang bumalik mula sa kahapon. Hinding-hindi na nila inulit ang ginawang mali nila noon...

Hindi na baliw ang "artist" ngayon. Hindi na gago ang "artist" ngayon. Hindi na "old school" ang "artisans" ngayon. Sinagot na ng teknolohiya ang kanilang imahinasyon. At ang mahalaga'y may puso na silang alay, tanggapin mo, karangalan yon..



"Imagination is much more important than knowledge." Albert Einstein


Walang komento:

Mag-post ng isang Komento