TULOY PO KAYO

Maligayang bati sa iyong pagbisita. Harinawari ay masiyahan ka sa mga salitang iyong mababasa at litratong iyong makikita. Ngunit maaari rin na malungkot ka at magdalamhati, magalit o matawa, mainis o masuka, o gumulong sa katatawa. Natural lang yon, tao lang, tuloy ang basa.

Paunang Salita

Ang bawat letra, salita, pangalan, lugar at sari-saring pa-ek-ek na kabaduyan at matitinong kahulugan ay kathang-isip lamang at hindi ito ginawa para maka-sakit ng tao. Wala ding nasaktan na mga hayop at insekto habang ginagawa ang "blog" na ito. Pakisuyo lang po..."Mag-alis ng muta, bago bumangon. At huwag mahiga buong maghapon."

Pero, paminsan-minsan ay may mga "blog" din na hinango sa totoong buhay, totoong kapighatian, totoong kaligayahan, totoong kabiguan at totoong tagumpay. Paunawa lang po..."Bawal mangulangot sa jeep."

Linggo, Enero 10, 2010

¤ "seven" ¤




Ito na ang pang-pito mula sa naunang anim na nabanggit ko. Kung hindi mo alam kung ano ang sinasabi ko? E 'di mo nabasa ang mga nakaraang "blog" ko. Pern okey lang yon, tuloy lang ang basa, padayon...

"Learning" kung baga. Pag-aralan ang buhay na hindi itinuturo sa eskwela. Tulad ng tatlong siopao na aking dala-dala. Na aking ilalagay sa tatlo ring eksena...

Ilalagay ko ang isa sa isang timbang tubig. Ang isa naman ay ilalagay ko sa "freezer" nitong "fridge". At ang isa nama'y ilalagay ko sa ibabaw nitong "cabinet". Iiwanan ko ng pitong araw at titingnan kung may nagawa akong "breed"...

At lumipas ang pitong-araw. Siopao ko sa tubig nadurog, nalusaw. "Okey" lang yo'ng nasa "fridge" pwedeng-pwede pang ma-chow-chow. Ngunit ito'ng nasa ibabaw ng "cabinet" inuod na at umalingasaw...

Sa tatlong siopao ay may buhay na lumitaw. Sino ang lumikha sa mga uod na ga-galaw-galaw? "Science" ba 'to? O isang "magic" ng taga-macao? O dahil sa batas? Mahiwagang batas ang sya'ng pumukaw...

Kung ikaw ay tumalon, sigurado, babagsak ka. Pwera na lang kung may "gadget" o pilosopo ka pa. Kapag ikaw ay kumain, sigurado, tatae ka. At kapag ikaw ay natulog, gising ka kanina...

Kapag ika'y naiinis, nag-bi-"build" ka ng galit. Mamumula ang 'yong mukha, maglalabasan mga litid. At kung ika'y masaya, masaya rin itong paligid. Walang masasamang elemento na sa katawan mo ay naka-dikit...

Meron pa'ng kapatid itong si galit at inis. Walang iba kundi, si Inggit na masungit. Kapag itong si Inggit ay di mapigilan at di mapiit. Balik ka sa "anger" at 'di ka matuto nitong "absolute happiness"...

Kaya mo ba'ng sumaya kahit na walang pera? Kung nasa iyo na ang lahat, bakit di ka maka-ngiti o maka-tawa? Kahit anong pahid, "wringkles" mo ay lumalabas. "Well" pag-aralan na lang natin, kung may milagro ba o may batas...


~

Walang komento:

Mag-post ng Komento