Isa ka'ng monumento sa aking paningin.
Monumento ng katatagan na sa puso ko ay lumalambing.
Ano pa nga baga at malayo ka sa akin.
Ngunit babalik-balikan upang muli kang makapiling.
Sa iyong mamamayan na walang halos pintas.
Mababait, magagalang at may sipag na gilas.
Ano ang meron ka upang sa madla ay maipamalas?
Ang maging modelo at parisan sa pag-unlad.
Damang-dama ko ang iyong pagkalinga.
Ang pagmamahal mo at pakikipag-kapwa.
Ang kababaang-loob ay sadyang kahanga-hanga.
Karapat-dapat kang mahalin dahil ikaw ay pinagpala.
Panalangin ko ay huwag kang magbabago.
Huwag kang magsasawa'ng magmahal sa iyong kapwa-tao.
Huwag kang magsasawa'ng pagandahin ang kinalalagyan mo.
Dahil ikaw ay huwaran at tunay na monumento.
Walang komento:
Mag-post ng isang Komento