Lalarga na naman tayo. Saan tayo dadalhin nitong ikot ng mundo? Ano na namang kababalaghan ang umakit sa 'yo? O may himala ka na namang gagawin tulad ng salamangkero?..
Wala, mamamasyal lang ako. Babaybayin ko lang ang dinaanan nitong banal na kaibigan ko. Hihimayin ko isa-isa bawat sulok ng semento. At pupunasan ko ng lupa bawat kulay bawat debuho...
May mga pagkakataon na nagngangalit ang init. Yung tipo na parang balat mo ay pinupunit. At sa pagsapit ng hapon, lumuluha itong langit. Waring nagdaramdam sa lumbay na nananaig...
At sa gabi nitong katahimikan. Tawag mo ang siyang pananggalang. Nakakabawas ng pagod sa maghapon na bilaran. Pampahimbing ng tulog, habang tinig mo ay ninanammam. Mainaw na sandatang panlaban sa kalungkutan...
O ano Habagat, para na naman tayong nasa Bali. Tayo na namang dalawa ang siyang magkatabi. Tulad ng sa Boracay, Camiguin at Mati.
Saksi ka na naman sa bawat panibagong nangyayari...
My favourite car is my next car. -Enzo Ferrari
Walang komento:
Mag-post ng isang Komento