TULOY PO KAYO

Maligayang bati sa iyong pagbisita. Harinawari ay masiyahan ka sa mga salitang iyong mababasa at litratong iyong makikita. Ngunit maaari rin na malungkot ka at magdalamhati, magalit o matawa, mainis o masuka, o gumulong sa katatawa. Natural lang yon, tao lang, tuloy ang basa.

Paunang Salita

Ang bawat letra, salita, pangalan, lugar at sari-saring pa-ek-ek na kabaduyan at matitinong kahulugan ay kathang-isip lamang at hindi ito ginawa para maka-sakit ng tao. Wala ding nasaktan na mga hayop at insekto habang ginagawa ang "blog" na ito. Pakisuyo lang po..."Mag-alis ng muta, bago bumangon. At huwag mahiga buong maghapon."

Pero, paminsan-minsan ay may mga "blog" din na hinango sa totoong buhay, totoong kapighatian, totoong kaligayahan, totoong kabiguan at totoong tagumpay. Paunawa lang po..."Bawal mangulangot sa jeep."

Biyernes, Disyembre 11, 2009

"3"




Si Sangko ay may talento. Magaling manloko at mang-uto ng tao. Mabuladas ang tuktok. Malakas ang katok sa ulo. Lumaking mangungurakot kaya binansagang Sanko..

Si Sangno ay may talento. Ayaw patalo, matigas ang ulo. Palaging galit, pumapatay ng tao. Naging dambuhala, naging sanggano...

Si Sangka ay may talento. Pamali-mali hindi naman sinto-sinto. Tatanga-tanga kapag nakaka-kita ng gwapo. Iba-iba ang lalaki na sa kanya ay nakapag-palobo...

Heto na sila, silang tatlo. Ang umiinom ng lason na magpapagupo sa tao. Ang lason ng gahaman, galit at kahangalan. Huwag naman sanang kumalat sa buong sangkatauhan...

Huwag pahahawa, huwag papalinlang. Sa tatlong lason na ito na palipa-lipana lang. Aali-aligid, andyan lang ang mga yan. Maging sa sarili natin ay huwag na huwag pagbibigyan...

Ngunit ituring mo rin silang iyong kakilala. Pwede mo rin silang kausapin at tratuhin ng maganda. Itabi mo lang sa iyong puso at tingnan na parang obra. At sa pader ng iyong kaisipan, doon isabit na parang medalya...



《＂》

1 komento:

Mag-subscribe sa: I-post ang Mga Komento (Atom)