TULOY PO KAYO

Maligayang bati sa iyong pagbisita. Harinawari ay masiyahan ka sa mga salitang iyong mababasa at litratong iyong makikita. Ngunit maaari rin na malungkot ka at magdalamhati, magalit o matawa, mainis o masuka, o gumulong sa katatawa. Natural lang yon, tao lang, tuloy ang basa.

Paunang Salita

Ang bawat letra, salita, pangalan, lugar at sari-saring pa-ek-ek na kabaduyan at matitinong kahulugan ay kathang-isip lamang at hindi ito ginawa para maka-sakit ng tao. Wala ding nasaktan na mga hayop at insekto habang ginagawa ang "blog" na ito. Pakisuyo lang po..."Mag-alis ng muta, bago bumangon. At huwag mahiga buong maghapon."

Pero, paminsan-minsan ay may mga "blog" din na hinango sa totoong buhay, totoong kapighatian, totoong kaligayahan, totoong kabiguan at totoong tagumpay. Paunawa lang po..."Bawal mangulangot sa jeep."

Huwebes, Disyembre 31, 2009

"lipad"



Muling lumipad sa ibabaw nitong ulap. Sakay ng latang, palutang-lutang sa alapaap. Halos limampu lang ang sakay nitong pinoy na air-bus. Pwedeng-pwedeng magpagulung-gulong, tumakbo at magpa-padyak...

Walang halos pasahero nitong araw ng pasko. Kaya itong eroplano parang eks-klusibong eksklusibo. Walang estorbo, parang isang magandang plano.Walang delay..., eksakto!..

Pwede pa nga'ng magpahila-hilata. O kaya'y sumulyap sa halos lahat ng bintana. Ang ganda ng tanawin, parang dagat ng makata. Parang isang ngiti, nang malulungkuting diwata...

Walang dapat na gawin, kundi ang pagmasdan. Sa dahan-dahang pagbabago nitong nasasaksihan. Buhay itong langit, ganon din itong sinasakyan. Sa enerhiyang nagpabalik patungo sa pinagmulan...



↑


Walang komento:

Mag-post ng isang Komento

Mag-subscribe sa: I-post ang Mga Komento (Atom)