TULOY PO KAYO

Maligayang bati sa iyong pagbisita. Harinawari ay masiyahan ka sa mga salitang iyong mababasa at litratong iyong makikita. Ngunit maaari rin na malungkot ka at magdalamhati, magalit o matawa, mainis o masuka, o gumulong sa katatawa. Natural lang yon, tao lang, tuloy ang basa.

Paunang Salita

Ang bawat letra, salita, pangalan, lugar at sari-saring pa-ek-ek na kabaduyan at matitinong kahulugan ay kathang-isip lamang at hindi ito ginawa para maka-sakit ng tao. Wala ding nasaktan na mga hayop at insekto habang ginagawa ang "blog" na ito. Pakisuyo lang po..."Mag-alis ng muta, bago bumangon. At huwag mahiga buong maghapon."

Pero, paminsan-minsan ay may mga "blog" din na hinango sa totoong buhay, totoong kapighatian, totoong kaligayahan, totoong kabiguan at totoong tagumpay. Paunawa lang po..."Bawal mangulangot sa jeep."

Miyerkules, Hulyo 29, 2009

″ulan sa tag-ulan″






〃 Araw-araw ng umuulan. Bumabaha na kung saan. Buong paligid pinaliliguan, nitong langit na nagdaramdam...

″ Tatlong buwan na iiyak pa ang langit. Tatlong buwan na magdadabog at magpupunit. Ibubuhos niyang lahat nararapat na kapalit. Ang tinamo ay ang siyang ibabalik...

″ Ang tumigas na lupa ay lalambot at bababa. Gugulong ang mga bato patungo sa ibaba. Tataas ang dagat ng pabahabahagya. Magbabago ang anyo nitong bitak-bitak na tadhana...

″ Lunurin mo itong tigang kong dugo. Hugasan mo ang isip mula sa mahabang siphayo. Pawiin mo ang uhaw nitong natutuyo kong puso. Yakapin mo ako at ikubli sa yungib ng iyong pagsuyo...




″″″″／／／／／″″″″

Walang komento:

Mag-post ng isang Komento

Mag-subscribe sa: I-post ang Mga Komento (Atom)